ខាងក្រោយមនោសញ្ចេតនាដ៏ផ្អែមល្ហែម ស្អិតរមួតគឺជាការប្រកែកគ្នាអឺងកង ដូចនេះការបែកគ្នាគឺជាអ្វីមួយដែលអ្នកត្រូវរំពឹងទុកជាមុន។ ដើម្បីកុំឲ្យរងការប៉ះទង្គិចខ្លាំងពេកក្រោយចែកផ្លូវគ្នា នេះគឺជាវិធីមួយចំនួនដែលអាចសម្រួលអារម្មណ៍អ្នកបាន។
១. ប្រឈមមុខនឹងភាពឈឺចាប់
តាមធម្មតា មនុស្សស្រីទាំងឡាយនឹង Block រាល់អ្វីដែលទាក់ទងនឹងសង្សារចាស់ដូចជា លេខទូរសព្ទ និងបណ្ដាញសង្គមជាដើម ដើម្បីកុំឲ្យខ្លួនមើលឃើញគេទៀត។ ខំប្រឹងរកបទចម្រៀងសប្បាយៗមកស្ដាប់ គេចពីបទកម្សត់ៗ តែអ្នកខុសហើយ នៅពេលអ្នកគេចវេសបែបនេះ វាកាន់តែធ្វើឲ្យបេះដូងអ្នកធ្ងន់លើសដើមតែប៉ុណ្ណោះ។ ជំនួសមកវិញ អ្នកគួរតែប្រឈមមុខជាមួយវាដោយផ្ទាល់ ព្រោះអ្នកមិនអាចគេចពីវាបានមួយជីវិតនោះឡើយ។
២. យំឲ្យអស់ពីចិត្ត
កុំខំប្រឹងទប់ស្កាត់ទឹកភ្នែកអី បណ្ដោយឲ្យវាហូរហើយគួចយករាល់ការឈឺចាប់ចេញឲ្យអស់តែម្ដងទៅ។ បើអ្នកនៅតែប្រឹងទប់បន្តទៀតនោះ ដល់រយៈពេលណាមួយ នៅពេលដែលទប់លែងជាប់ប្រាកដផ្ទុះមិនខាន។ សូមយំឲ្យអស់រហូតដល់គ្មានទឹកភ្នែកស្រក់ទៀត ហើយបន្តជីវិតទៅមុខទៀត បំភ្លេចរឿងចាស់ចោលឲ្យអស់។
៣. ចំណាយពេលវេលាសម្រាប់ខ្លួនឯង
ក្រោយពេលយំ និងប្រឈមមុខនឹងការឈឺចាប់ហើយៗ សូមចំណាយពេលវេលាមានតម្លៃសម្រាប់ខ្លួនឯង។ ធ្វើនូវរាល់រឿងអ្វីដែលមិនធ្លាប់បានធ្វើកាលនៅមានសង្សារ។ ត្រូវចងចាំថាយើងសមនឹងទទួលនូវអ្វីដែលល្អនៅក្នុងជីវិតនេះ។
៤. ចាត់ទុកសង្សារដូចជាមនុស្សធម្មតាម្នាក់
កុំចងកំហឹង ចង់សងសឹកអ្វីទាំងអស់ ព្រោះបើធ្វើដូចនេះកាន់តែធ្វើឲ្យយើងគិតដល់គេកាន់តែច្រើននោះទេ។ បំភ្លេចរឿងរវាងអ្នក និងគេចោលឲ្យអស់ ហើយប្រសិនបើអ្នកទាំង២អចេតនាជួបគ្នា ក៏ញញឹមដាក់គេបន្តិចទៅ ព្រោះទោះបីជាយ៉ាងណាគេក៏ធ្លាប់ជាផ្នែកដ៏សំខាន់មួយនៅក្នុងជីវិងតយើងដែរ៕
