ការមានទំនាក់ទំនងស្នេហា ពិតជាធ្វើឲ្យអ្នកមានអារម្មណ៍ថាអស្ចារ្យ ប៉ុន្តែជាមួយពេលវេលាយូរពេក អាចបណ្ដាលឲ្យអ្នកធុញទ្រាន់ទៅវិញ នោះក៏ព្រោះតែរឿង ៦ យ៉ាងខាងក្រោមនេះ ដែលធ្វើឲ្យគូស្នេហ៍ធុញទ្រាន់នឹងទំនាក់ទំនងដែលមានរាល់ថ្ងៃ៖
១.ជីវិតធម្មតាពេក
នៅពេលអ្នកក្រោកឡើងឃើញដៃគូទៅធ្វើការ ហើយបន្ទាប់មកពីធ្វើការ ក៏អង្គុយញ៉ាំបាយយ៉ាងស្ងៀមស្ងាត់ បែបសោះអង្គើយ យូរៗទៅអ្នក និងដៃគូគ្មានអារម្មណ៍អ្វីពិសេសសោះ។
២.ស្រលាញ់ឆាប់ពេក
ស្នេហាពិតជាត្រូវការពេលវេលា បើអ្នកមិនទាន់ស្វែងយល់ច្បាស់លាស់ពីដៃគូ ហើយក៏រៀបការ។ ជីវិតក្រោយរៀបការអាចនឹងសោះកក្រោះ ដោយសារអ្នកមិនទាន់ស៊ាំនឹងអត្តចរិតភាគីម្ខាងទៀត ដូចនេះកុំឆាប់ស្រលាញ់ពេក ព្រោះវាក៏អាចឆាប់អស់ក្ដីស្រលាញ់។
៣.កង្វះខាតនៃការរំភើប
ពេលជីវិតគូអ្នកឆ្លងកាត់រយៈពេលយូរ ហើយអ្នកទាំងពីរមិនដែលធ្វើរឿងឲ្យដៃគូរំភើប ក៏ជាមូលហេតុធ្វើឲ្យអ្នកមានអារម្មណ៍ថាធុញទ្រាន់ដែរ។ ដូច្នេះប្រសិនបើអ្នកគិតថាខានបានធ្វើដំណើរកម្សាន្តជាមួយគ្នាជាយូរមកហើយ ត្រូវរៀបចំគម្រោងវិស្សមកាល ដើម្បីធ្វើឲ្យភ្លើងស្នេហ៍ឆេះឡើងវិញ។
៤.គ្មានការចងចាំដែលគួរឲ្យស្រណោះ
តើអ្វីទៅជាការចងចាំដ៏រីករាយ ដែលអ្នកមានទាំងពីរមានជាមួយគ្នា? នោះក៏អាចមកពីចំណុចទី ២ ដែលឆាប់ស្រលាញ់ និងរៀបការពេក ទើបធ្វើឲ្យប្ដីប្រពន្ធគ្មានអ្វីដែលរលឹកដល់។ បើមានចំណុចនេះមែន ត្រូវចាប់ផ្ដើមសាងវាពីឥឡូវនេះទៅ កុំឲ្យមានបញ្ហាខ្លាំងជាងនេះទៅថ្ងៃមុខ។
៥.អ្វីគ្រប់យ៉ាងធ្វើឡើងតាមគម្រោង
ប្រសិនបើអ្នកទាំងពីរមិនដែលធ្វើអ្វីចេញពីចិត្ត តែជាគម្រោងដើម្បីធ្វើឲ្យឪពុកម្ដាយទាំងសងខាងសប្បាយចិត្ត បានន័យថាស្នេហាមិនមែនកើតឡើងពីចិត្ត និងបេះដូងពិតៗឡើយ។ ការ shopping ញ៉ាំអាហារសុទ្ធតែជាគម្រោងការទាំងអស់ នោះជីវិតពិតជាសោះកក្រោះណាស់។
៦.គ្មានទំនាក់ទំនងផ្សេង
បើក្រៅពីប្ដី/ប្រពន្ធ អ្នកគ្មានរាប់រកនរណាសូម្បីមិត្ត បងប្អូន .... នោះជីវិតអ្នកក៏គ្មានន័យអ្វីដែរ បើទោះជាគ្រួសារមានដល់កម្រិតណាក៏ដោយ៕
